• Three-bedroom modern family home +
• Sought-after location close to hospital and supermarkets +
• Primary and secondary schools nearby +
• Elevated position with mountain views +
• Large garden with lawn and patio +
• Garden Office +
• Open-plan kitchen diner - the heart of the home +
• Beautiful features - flooring and traditional interior doors +
• Cosy multi-fuel log burner +
• Range cooker and practical utility +

English Below “Un o’r pethau rydyn ni wedi’u caru fwyaf am fyw yma yw pa mor hawdd mae bywyd yn teimlo. Mae popeth yn agos - o fynd am dro gyda’r ci a’n mab yn y caeau cyfagos, i gerdded i Fangor Uchaf am goffi ar fore tawel.” Wedi’i leoli’n gadarn ar dop Lon Belmont, mae’r cartref teuluol modern yma yn llawn golau a theimlad agored. O’i safle uwch, mae’r t yn edrych allan tuag at fynyddoedd Eryri yn y pellter ac yn dal haul y prynhawn a’r nos, gan greu cartref sy’n hardd a hawdd i fyw ynddo o’r eiliad y byddwch yn cyrraedd. Mae hwn wedi bod yn gartref teuluol annwyl ers sawl blwyddyn, ac mae’r teimlad hwnnw o ofal a chysur yn llifo’n naturiol drwy’r ty. Y tu mewn, mae’r cynllun yn syml, ymarferol a chroesawgar - yn berffaith ar gyfer bywyd teuluol bob dydd. Mae’r ystafell fyw glyd, gyda’i ffenestr fae mawr a’i llosgwr coed, yn teimlo fel calon y cartref; lle ar gyfer nosweithiau clyd, amser gyda’r plant, a nosweithiau gyda teulu. I gefn y ty, mae’r gofod yn agor i’r gegin a lle bwyta cynllun agored, wedi’i ddylunio ar gyfer cysylltu a rhannu amser bob dydd. Yn y boreau, gellir agor y drysau dwbl wrth i’r tegell ferwi, gan adael i’r awyr iach a golau’r ardd lifo i mewn. Mae’r gofod yn llifo’n braf tuag allan, yn gweithio cystal ar gyfer prydau teuluol a gwaith cartref ag y mae ar gyfer yr haf a nosweithiau hir o amgylch y bwrdd. Mae ystafell ‘utility’oddi ar y gegin. I fyny’r grisiau, mae’r ‘stafelloedd wely yn hael, gyda dwy ystafell wely ddwbl fawr ac un ystafell sengl, mae ystafell ‘molchi deuluol o faint da - gan wneud y cartref yn addas iawn ar gyfer teuluoedd sy’n tyfu neu’r rhai sydd angen gofod hyblyg. Mae’r ardd yn hael ac yn hyblyg, gan gynnig digon o le i’w mwynhau drwy’r tymhorau. I gefn yr ardd, mae rhan gefn y garej wedi’i thrawsnewid yn ofalus i greu swyddfa gartref, neu stiwdio - tra bod gweddill y garej yn parhau i wasanaethu ei bwrpas gwreiddiol. Mae Lon Belmont yn cynnig cydbwysedd arbennig ar gyfer bywyd teuluol. Mae’r ty wedi’i leoli’n gyfleus rhwng amrywiaeth o ysgolion cynradd ac uwchradd, gyda siopau, yr ysbyty a’r orsaf drenau i gyd o fewn cyrraedd rhwydd. O safbwynt lles, mae’r cysylltiad a mannau gwyrdd yn uchafbwynt gwirioneddol - gellir mwynhau golygfeydd y mynyddoedd o’r ty ei hun, ac mae man gwyrdd mawr ychydig gamau i ffwrdd, yn berffaith ar gyfer cerdded y ci, cael awyr iach neu gymryd saib ysgafn yng nghanol diwrnod prysur. Cartref teuluol modern, di-ffws sy’n teimlo’n ysgafn, sefydlog ac wedi’i gynllunio’n ofalus, heb waith wedi i chi symud i mewn. EPC - D Band Treth Cyngor - D Gwres Nwy Canolog Ffenestri Haen Dwbl Bydd Treth Trafodiadau Tir (LTT) yn daladwy ar yr eiddo hwn yn unol a’r cyfraddau cyfredol. Argymhellir i brynwyr wirio eu rhwymedigaethau eu hunain.