• Beautiful new-build bungalow set within the Parc y Coed development +
• Quiet cul-de-sac position with a peaceful outlook +
• Bright, south-facing open-plan living and dining area +
• Modern kitchen with integrated appliances and garden access +
• Stylish bathroom with bath and shower +
• Two generous bedrooms with new carpets +
• Tastefully decorated throughout with a warm, welcoming feel +
• South facing rear garden, perfect for gardening and outdoor relaxation +
• Walking distance to Llangefni town centre and The Dingle +
• Excellent access to the A55, bus routes and local amenities +

English Below “Yr hyn dwi wedi’i hoffi fwyaf ydi pa mor gartrefol a chymdeithasol yw cynllun y ty - mae o’r maint iawn ac yn hawdd iawn i fyw ynddo. Dw i’n mwynhau treulio amser yn yr ardd gyda phaned o de, ac mae gallu cerdded i lawr i Llangfeni, yn enwedig ar hyd y Dingle, wedi bod yn bleser mawr.” Wedi’i leoli ar stad newydd Parc y Coed, mae’r byngalo hyfryd hwn yn bedair oed ac yn eistedd yn dawel mewn cul-de-sac heddychlon, gan gynnig teimlad go iawn o gynhesrwydd, encil a symlrwydd. Dyma gartref sy’n teimlo’n gartrefol o’r eiliad gyntaf. Mae’r perchennog presennol wedi ei addurno’n gynnes ac yn gynnil, gan greu gofod tawel, modern a chroesawgar iawn. Mae’r cynllun agored rhwng y gegin a’r lolfa yn ffurfio calon y cartref - lle gallwch roi’r tegell ymlaen a dal i sgwrsio’n rhwydd pan fo ffrind yn galw draw. Mae’r drysau dwbl yn agor allan i’r ardd gefn, gan greu llif naturiol rhwng y tu mewn a’r tu allan yn ystod misoedd yr haf, a gadael i olau naturiol lifo i mewn. Mae cynllun y ty yn syml ac wedi’i feddwl yn ofalus, gan wneud y cartref yn hawdd i’w gynnal ac yn agored, heb iddo deimlo’n fach o gwbl. Mae pob ystafell yn teimlo’n gytbwys ac yn gyfforddus - yn berffaith i rywun sy’n chwilio am gartref maint rheolaidd gyda gofodau o faint hawdd. Yn y cefn mae gardd braf sy’n cynnig ardal heddychlon i ymlacio - yn ddelfrydol i unrhyw un sydd a bysedd gwyrdd neu i’r sawl sy’n mwynhau paned o goffi yn y bore mewn awyrgylch tawel. Mae’r ardd - sy’n gwynebu’r De yn ymestyn profiad y cartref ac yn atgyfnerthu’r teimlad o encil a llonyddwch - yn cael yr haul o fore dan nos. Mae Parc y Coed yn stad gyfeillgar a modern, gyda chymysgedd o deuluoedd, cyplau a phoble sengl, gan gynnig ymdeimlad o gymuned ochr yn ochr a thawelwch. Mae llwybr cerdded cyfleus yn arwain yn syth i lawr i Llangefni, gan ei gwneud yn hawdd mynd am siopa bob dydd neu fwynhau taith gerdded hamddenol ar hyd Y Dingle. Dyma leoliad sy’n cynnig y gorau o’r ddau fyd — byw’n dawel, ond gyda bywyd a phobl o’ch cwmpas. Byddai’r byngalo hwn yn gweddu’n berffaith i unigolyn, cwpl, neu rywun sy’n edrych i ymddeol i fywyd symlach, heb ildio ar gysur, steil na lleoliad. Cartref hyfryd sy’n cynnig hwylustod, cynhesrwydd a theimlad ysgafn o ddianc. EPC - B Band Treth Cyngor - C Ffenestri Haen Dwbl Drwy’r T Adeilad Ffram Bren Gwres Canolog Nwy Atig i ddefnyddio fel storfa