• Eco-friendly 3-bedroom home with energy-efficient features. +
• Located in the family-friendly village of Waunfawr. +
• Close to a primary school, park, and football field. +
• Set in a quiet, peaceful cul-de-sac—ideal for family living. +
• Manageable garden leading to woodland, perfect for outdoor adventures. +
• Great potential to update and personalise your dream home. +
• On street parking +
• Perfect for first time buyer +
• Renovation project +

English Below “Mi fuodd hwn yn gartref lyfli i mi, mewn cul-de-sac distaw. Dwi wedi gwirioni byw yn Waunfawr – teithiau cerdded bendigedig, a phobl lyfli. Gobeithio’n fawr y bydd y perchennog nesaf yn cael yr un heddwch a mwynhad ag o’n i’n gael yn fan hyn.” Wedi’i guddio mewn cilfan dawel yng nghanol pentref hoffus Waunfawr, mae’r ty teras tair ystafell wely hwn yn llawn potensial – ac mewn lleoliad fel hyn, mae’n hawdd gweld pam. Mae’r darn gwair yng nghanol y stad o dai yn fan diogel i blant chwarae, lle mae cymdogion yn stopio am sgwrs, a bywyd yn symud yn araf. Mae’r ty ei hun yn gadarn ac yn dod a manteision ychwanegol: ffenestri haen dwbl ledled y ty, paneli solar newydd, pymp gwres ffynhonnell aer a ‘radiators’ newydd. Mae’n hynod effeithlon ac yn rhad i’w redeg. Er bod y ty hwn yn hynod effeithlon o ran ynni, mae angen adnewyddu’n llwyr – cyfle perffaith i roi’ch stamp eich hun ar y cartref. Y tu mewn, mae dwy ystafell fyw yn llifo i’w gilydd, gan adael i’r golau naturiol ddod o bob ochr y ‘stafell. Mae’r ystafell fyw/ystafell fwyta wedi cael carpedi newydd, ac mae gan y ddwy ystafell brest simdda – cyfle gwych i osod lle tan neu losgwr coed. Dychmyga ddod adref ar ol cerdded y mynyddoedd neu’r goedwig gyfagos a chynnau tan clyd i’r teulu. Mae’r gegin angen ei adnewyddu ond yn ofod braf, ac yn agor yn uniongyrchol i adeilad allan yn y cefn a fyddai’n berffaith fel ystafell utility. O’r fan hon, mae drws yn arwain ymlaen i’r ardd – lle preifat, heddychlon, wedi’i hamgylchynu gan natur a choed. Hoff ddarn y perchennog presennol? Bwlch bach cudd yn y gwrychoedd sy’n arwain yn syth i’r goedwig, cae chwarae pel-droed ac yna’r parc i blant – breuddwyd i deuluoedd ac yn atgof o’r rhyddid mae bywyd pentref yn ei gynnig. I fyny’r grisiau, mae ‘landing’ eang yn cysylltu tair ystafell wely – dwy fawr ar gyfer gwelyau dwbl a dodrefn, ac un sengl. Ar hyn o bryd mae’r ystafell ymolchi a’r ty bach ar wahan, ond gellid eu cyfuno’n hawdd wrth adnewyddu i greu un ystafell fwy, tasa’ chi isho. Mae bywyd yn Waunfawr a’i rythm ei hun. Siop leol gyfeillgar, tafarn dda, ysgol gynradd a ysgol meithrin, a llwybrau cerdded di-ri ar y stepen drws. Mae’n le lle mae plant yn tyfu i fyny yn yr awyr agored, lle mae nosweithiau’n cael eu treulio wrth y tan, a lle mae’r mynyddoedd yn galw o’r gorwel. Gyda’r gwaith eco eisoes wedi’i gwblhau, paneli solar newydd ar y to, a lleoliad mor arbennig, gyda buddsoddiad a llygad da mae’r ty hwn yn aros i gael ei wneud yn gartref annwyl unwaith eto. EPC - F (adroddiad wedi ei wneud cyn i’r gwaith eco ddigwydd) Band Treth Cyngor - B Ffenestri Haen Dwbl Gwres Canolog Nwy